म निरीह प्राणी
हरदिन दिन ढल्छ । साँझमा लठ्ठिन्छ । अनि रातमा विलिन हुन्छ । मेरै अघि दिन सकिएको म टुलुटुलु हर्नु सिवाय केही गर्न सक्दिन । अहिलेसम्म एकचोटी पनि एउटा दिन पनि बचाउन सकिएको हैन । कस्तो म निरीह प्राणी !!
Tag: poetry
बिचारको स्वतन्त्रता
साच्ची विचारहरू
मस्तिष्कमा नै स्वतन्त्र हुन्छन्
कि
कुनै पुस्तक वा लिखोटमा ?
मस्तिष्कमा भएका विचार त
परिवर्तन गर्न सकिन्छ ।
तर लेखिइसकेको,
व्यक्त भइसकेको विचार
परिवर्तन गर्न सकिन्छ र ?
तिमी राम्री हुन छोडिदेउ
आज भेटिएको छु ।
थाहा छ भोली भेटिन्न ।
खै के छ तिमीमा
नजरले एक झुल्को भएपनि
तिम्रा दृश्य चोर्न रहर गर्छ ।
मेरा नजरदेखी
यदि तिमीलाइ आपत्ति हो भने
तिमी राम्री हुन छोडिदेउ ।